Kors ta' kitba kreattiva
Id-Dipartiment tal-Malti qed ifassal kors ta’ kitba kreattiva għaż-żgħażagħ fis-sajf. Permezz ta’ kors bħal dan, l-istudenti se jiktbu affarijiet li qatt ma kitbu bħalhom. Jekk is-soltu jiktbu l-komponimenti issa se jiktbu l-poeżiji, id-deskrizzjonijiet fantastiċi u l-karattri strambi u mhux tas-soltu. Kors bħal dan jgħin lill-istudenti jimirħu u jmorru f’dinjiet differenti li mbagħad jistgħu jiktbuhom u jaqsmuhom mal-oħrajn.
L-etajiet huma bejn 14-16-il sena.
Is-sessjonijiet se jkunu 6. Kull sessjoni se tkun twila 3 sigħat u fiha t-tfal ikollhom dewqa tal-proċess tal-kitba minn attività sa kitba sa qari.
Meta? Kull nhar ta’ Erbgħa mil-15 ta’ Lulju sad-19 t’Awwissu 2026
Fejn? Il-Junior College
Ħin? 09:00 – 12:00
Il-ħlas huwa ta’ EUR 170 u jrid isir permezz tal-portal tal-ħlas online.
Għal aktar informazzjoni, ibgħat email lil Dr David Aloisio.
Agħfas fuq il-poster biex tara verżjoni akbar.